Mayo Learning Techno

Mayo blajar bikin email












Elizabeth, Mayo, Desy
















halo cece elisabet dan cece desi

Ini mayo...
Beta mau kasi sadiki carita tentang pengalaman beta pertama kali tau pake komputer tau internet trus tau tentang email. beta baru tau pegang komputer dan semua yang ajar beta cece elisabet deng cece desi. Dorang pertama ajar beta par pake komputer, cara mengetik pake komputer, abis itu dorang ajar beta buat pake internet. pertamanya beta seng bisa, suka salah-salah tapi untung cece elizabeth dan desi sabar buat ajar beta sampe beta tau par ketik komputer deng pake internet.

ternyata pake komputer itu seng susah, tapi memamng sampe sekarang beta masi belum lancar pake komputer. setiap hari kalo beta selesai kerja, pasti cece ajar beta sampe beta tau pake komputer. sekarang beta su bisa ketik deng buka internet. Beta senang sekali, akirnya beta bisa buka internet. trus cece elisabet dengan desi ajar beta par buat email yang katanya katong bisa tau banyak informasi lewat akang, deng katong jua bisa berhubungan dengan dengan tamang tamang lewat internet, trus seng perlu kas kaluar uang banyak, menghemat waktu, trus katong bisa pake email dimana sa yang penting ada internetnya.

beta su bisa bikin email sandiri, beta pung email nama mayo_ambon@yahoo.com.
cara par bikin email itu pertamanya ketik www.yahoo.com habis itu kluar sign up. trus isi kayak nama, tgl lahir, nama email, paswot, kode pos,dll trus klik kolom persetujuan habis itu masukin kode virifikasi. trus klu su bisa sign up ada petunjuk par pake email tu bagaimana kayak cara kirim pesan, liat pesan dan liat katong pung tamang tamang klu su ada.
Beta pertama kali paling heran pake email ini bagaimana tp pas cece elisabet deng cece desi terangkan beta, beta jadi mangarti tentang email dan komputer.

Sekarang beta su bisa pake email. makasih cece elisabet dan cece desi yang su sabar ajar beta sampe beta tau pake komputer dan internet.